Cyngor Cymuned Manordeilo a Salem

HYSBYSIAD O GYFETHOL
CYNGOR CYMUNED MANORDEILO A SALEM

Adran 116 Mesur Llywodraeth Leol (Cymru) 2011

RHODDIR HYSBYSIAD TRWY HYN FOD Cyngor Manordeilo a Salem yn bwriadu cyfethol UN AELOD i lenwi’r lleodd gwag sydd ar gael yng NGHYMUNED SALEM

Ceisir datganiad o ddiddordeb gan aelodau o’r cyhoedd sy’n cyflawni’r meini prawf canlynol ac sydd ᾶ diddordeb mewn cynrychioli eu cymuned ar y Cyngor Cymuned dywededig. Rhaid bod yn ddinesydd Prydain, y Gymanwlad, Iwerddon neu’r Undeb Ewropeaidd ac yn 18 oed neu hŷn, ac yn cyflawni o leiaf un o’r meini prawf canlynol:

• wedi’ch cofrestru fel etholwr llywodraeth leol ar gyfer yr ardal a enwir uchod; neu
• yn ystod y cyfan o’r 12 mis diwethaf, wedi bod yn berchennog neu’n denant tir neu safle arall yn y gymuned a enwir uchod; neu
• wedi bod ᾶ’ch prif neu’ch unig weithle yn ystod y 12 mis diwethaf yn y gymuned a enwir uchod; neu
• rydych wedi byw yn y Gymuned, neu o fewn 4.8 cilometr ohoni yn ystod y cyfan o’r 12 mis diwethaf.

Mae rhai pobl penodol wedi’u hanghymhwyso rhag ymgeisio, yn eu plith swyddogion cyflogedig y cyngor, unrhyw un sy’n destun gorchmynion cyfyngu methdalwyr a’r rheiny sy’n destun dedfrydau o garchar yn ddiweddar. Mae’r cyfrifoldeb yn eistedd gyda’r ymgeisydd i sicrhau eu bod yn gymwysedig i ymgeisio.

Os ydych yn dymuno cael eich ystyried i gael eich cyfethol ar gyfer y seddau gwag, neu’n dymuno cael rhagor o wybodaeth ynghylch rôl Cynghorwyr Cymuned, cysylltwch ᾶ’r Clerc, Jane Davies,14 Blende Road, Llandeilo SA19 6NE ebost janedavies41@gmail.com neu ffon 01558 328 264 erbyn y DYDDIAD CAU, DYDD MAWRTH 9ed EBRILL 2024.

13.03.2024

Gorsaf Dân Llandeilo

Diwrnod Recriwtio Dangos a Dweud

Dydd Sadwrn 10:00-14:00: Chwefror 10, Mawrth 16 ,Ebrill 20

• Gwybodaeth am Recriwtio
• Arddangosiadau
• Cyfle i Gwrdd a Chyfarch Staff
• Lluniaeth

www.tancgc.gov.uk
www.mawwfire.gov.uk

Download Print Version

Mae Cyngor Cymuned Manordeilo a Salem yn falch o roi gwybod bod uned diffibriliwr newydd ar gael ym Mhenybanc, Llandeilo ac wedi’i lleoli yn y lloches bws yng nghanol y pentref.

Mae’r uned diffibriliwr wedi’i hariannu’n rhannol drwy Grant Diffibriliwr Mynediad Cyhoeddus Cymunedol Llywodraeth Cymru a chan y Cyngor Cymuned ei hun.

Mae’r uned ym Mhenybanc yn ychwanegol at y diffibrilwyr presennol sydd wedi’u lleoli yn ardal Cyngor Cymuned Manordeilo a Salem yn:

• Manordeilo Reading Room, Cwmifor, SA19 7AW
• Salem Village Hall, SA19 7LY
• The Vestry, Capel Isaac, SA19 7TL
• All Small Engines, Manordeilo, SA19 7BG
• Teilo Vets, Beechwood Estate, Talley Road, Llandeilo, SA19 7HR
• The Plough Inn, Rhosmaen, Llandeilo, SA19 6NP

COFNOD BLYNYDDOL

HYSBYSIAD AM GWBLHAU ARCHWILIAD
AC AM YR HAWL I AROLYGU’R COFNOD BLYNYDDOL
COFNOD BLYNYDDOEDD AM Y FLWYDDYN YN GORFFEN
31 MAWRTH 2023

Public Audit (Wales) Act 2004 Section 29

Rheoliadau Cyfrifon ac Archwilio (Cymru) 2014

1. Mae archwiliadau cyfrifon dros CYNGOR CYMUNED MANORDEILO A SALEM ar gyfer y flwyddyn sy’n gorffen ar 31 Mawrth 2023 wedi’u cwblhau.
2. Mae’r Cofnod Blynyddol ar gael i’w arolygu gan etholwyr llywodraeth leol ardal CYNGOR CYMUNED MANORDEILO A SALEM trwy wneud cais at:

Mrs Jane Davies
Clerc a Swyddog Ariannol Cyfrifol
Cyngor Cymuned Manordeilo a Salem
01558 328 264

rhwng 9.00yb a 6.00yh ar ddydd Llun i ddydd Gwener gan eithrio gwyliau cyhoeddus pryd y gall unrhyw etholwr llywodraeth leol wneud copïau o’r Cofnod Blynyddol.

Darperir copïau i unrhyw etholwr llywodraeth leol os gwneir taliad o £1.00 am bob copi o’r Cofnod Blynyddol.

Mrs Jane Davies (Clerc)
5 Hydref 2023

Cofnod Blynyddol

Cyfeiriadur Busnes Plwyf - E-byst Sgam

Rydym wedi cael gwybod bod nifer fawr o negeseuon e-bost wedi’u derbyn yn honni eu bod wedi'u hanfon o Blwyf Manordeilo a Salem ac ardaloedd cynghorau lleol eraill. Mae'r e-byst hyn yn gofyn i'ch busnes adnewyddu ei restr cyfeiriadur busnes gyda'r plwyf am ffi fechan. Maent yn cynnwys dolen i wefan sy'n edrych fel gwefan Llywodraeth y DU.

Anwybyddwch nhw os gwelwch yn dda. Sgamiau yw'r rhain sydd wedi'u cynllunio i gymryd eich arian. Nid oes cynghorau plwyf yn bodoli yng Nghymru ac nid oes gan gynghorau lleol gyfeiriaduron busnes y mae angen i chi gofrestru â nhw.

Galw pob gofalwr di-dâl yng ngorllewin Cymru!

Os ydych yn gofalu'n rheolaidd am berthynas, ffrind neu gymydog na allech reoli heb eich cymorth ac nad ydych yn cael eich talu amdano yna rydych yn Ofalwr. Rydych dal yn ofalwr di-dâl os ydych yn derbyn Lwfans Gofalwyr.

Mae Cyngor Cymuned Manordeilo a Salem yn gorff etholedig yn gwasanaethu ac yn cynrychioli diddordebau trigolion ar draws dwy Ward sef Cwmifor a Salem. Mae’r ddwy Ward hefyd yn cynnwys cymunedau Capel Isaac, Manordeilo, Penybanc, Rhosmaen a Thaliaris. Mae 12 Cynghorydd yn aelodau o’r Cyngor Cymuned, saith Cynghorydd yn cynrychioli Ward Cwmifor a phump yn cynrychioli Ward Salem.

Fel arfer cynhelir cyfarfodydd ail nos Fercher bob mis am 7:30pm yn Ystafell Ddarllen Manordeilo (ni chynhelir cyfarfod ym mis Awst). Fodd bynnag yn ystod pandemig Covid-19, cynhelir y cyfarfodydd o bell ar Zoom a bydd y trefniant hwn yn parhau tan yr hysbysir yn wahanol. Gall aelodau’r gymuned barhau i fedru mynychu’r cyfarfodydd hyn a darperir y manylion mewngofnodi ar yr Agenda a roddir ar ein gwefan a hefyd ar yr hysbysfyrddau yn y gymuned.

Prif ffynhonnell arian y Cyngor Cymuned yw’r Archebiant. Mae arian yr Archebiant wedi’i gynnwys yn rhan o Dreth y Cyngor a gesglir gan Gyngor Sir Gâr a’i ddosbarthu i gynghorau tref a chymuned. Medrwn hefyd wneud ceisiadau am grantiau ar gyfer prosiectau penodol.

Ein cyfrifoldebau

Mae’r Cyngor yn cynrychioli’r bobl sy’n byw yn ein hardal a hynny ar y lefel sy’n glos i’r gymuned. Rydym yn cynrychioli barn ein cymunedau ac yn ymgysylltu â materion megis:

Cyfleusterau a phrosiectau cymunedol

• Er enghraifft: meinicau, diffriblwyr, hysbysfyrddau a chyfraniadau ariannol i achosion lleol ac elusennau.

Yr Amgylchedd

• Er enghraifft: bioamrywiaeth a chyflwr llwybrau troed.

Priffyrdd

• Er enghraifft: cyflwr ffyrdd ac arwyddion, goleuadau stryd a materion yn ymwneud â thraffig.

Ceisiadau cynllunio

• Mae hawl statudol gan y Cyngor Cymuned i fod yn rhan o’r ymgynghori ar holl geisiadau cynllunio ein hardal ac i wneud sylwadau i’r awdurdod cynllunio er mwyn iddynt hwy gymryd y sylwadau hyn i ytyriaeth pan yn gwneud penderfyniadau.

Mae Cyngor Cymuned Manordeilo a Salem hefyd yn gweithio gyda Chyngor Sir Gâr, cynghorau tref a chymuned eraill ac awdurdodau megis Llywodraeth Cymru a Heddlu Dyfed-Powys.

Y newyddion diweddaraf

Diffriblwyr

Isod ceir rhestr o leoliadau ar gyfer diffriblwyr y mae’r Cyngor Cymuned wedi’u hariannu a/neu gefnogi yn y gymuned.

• All Small Engines, Manordeilo, Llandeilo, SA19 7BG
• Manordeilo Reading Room, Cwmifor, Llandeilo, SA19 7AW
• Salem Village Hall, Salem, Llandeilo, SA19 7LY
• Capel Isaac Vestry, Capel Isaac, Llandeilo, SA19 7TL
• The Plough Inn, Rhosmaen, Llandeilo, SA19 6NP
• Teilo Vets, Beechwood Estate, Talley Road, Llandeilo, SA19 7HR

Dysgwch sgiliau CPR a deffibrilio

Eich Cynghorwyr